L-organizzaturi tal-Maratona ta’ Manchester tal-11 ta’ Ottubru ħabbru li wara konsiderazzjoni bir-reqqa, ħassru l-avveniment.

“L-inċertezza li għaddejja dwar ir-restrizzjonijiet relatati mal-COVID-19 għamlet impossibbli li tikkonferma l-arranġamenti meħtieġa f’dan iż-żmien.Niskużaw ruħna mal-ħafna minnkom li kienu ħerqana li jiġru f’dan l-avveniment tant maħbub, iżda kien importanti għalina li ttieħdet deċiżjoni fi żmien tajjeb qabel ir-runners żiedu t-taħriġ tagħhom għal distanzi itwal,” qalet l-istqarrija.

L-istqarrija kompliet tgħid: “Nistennew bil-ħerqa li nilqgħu lir-runners lura fil-Maratona ta’ Manchester meta l-avveniment isir nhar il-Ħadd 11 ta’ April 2021. Qegħdin naħdmu mill-qrib mal-partijiet interessati mill-isbaħ tagħna biex niżguraw l-aqwa avveniment s’issa.Qegħdin naħdmu wkoll flimkien ma’ organizzaturi oħra ta’ avvenimenti, Public Health England, u d-Dipartiment għad-Diġitali, Kultura, Media u Sport biex indaħħlu kull miżura meħtieġa għar-ritorn ta’ waħda mill-maratoni favoriti tal-Ewropa.”

Dawk li kellhom jiġru jew fil-Maratona ta' Manchester, jew f'Tommy's Manchester Half, ingħataw email direttament b'aktar informazzjoni.

Madankollu l-organizzaturi qalu li se jkunu qed joffru lir-runners l-opportunità li jaqilgħu midalja u t-shirt tal-finalisti tal-Maratona ta’ Manchester 2020 permezz ta’ sfida virtwali aktar tard din is-sena.

“F'dan iż-żmien nixtiequ nieħdu l-opportunità biex nirringrazzjaw lir-runners mill-isbaħ tagħna għall-paċenzja tagħhom waqt li nfittxu s-soluzzjonijiet, u wkoll lit-tim tagħna għax-xogħol iebes tagħhom biex jippruvaw ikomplu l-avveniment.Se nkunu qed naqsmu aktar aġġornamenti dwar il-Maratona ta’ Manchester 2021 fix-xhur li ġejjin, iżda sadanittant nibqgħu siguri, u nittamaw li narawkom kemm jista’ jkun malajr.”